LUIGJ GURAKUQI (Foto MARUBI)
(1879 – 1925)
Askush nuk ikë nga Atdheu, pa ju rrezikue jeta! Vrasësi parashikon shka ti s’e mendon!
E mërkurë, 18 nëntor 2026
LUIGJ GURAKUQI (Foto MARUBI)
(1879 – 1925)
Askush nuk ikë nga Atdheu, pa ju rrezikue jeta! Vrasësi parashikon shka ti s’e mendon!
1924: “Na nuk vrasim!”, deklaroi në Parlament deputeti Luigj GURAKUQI…
SHQIPTARI ATDHETAR LUIGJ GURAKUQI TREGONTE:
“Kam pas nderin me qenë afritë prej Plakut të nderuem Jeronim de Rada . Tue u gjetë përpara t’amblit kangtar të Milosaut, të Skanderbeut Pafanë, tue ndie qortimet e këshillat e tija, tue ndigjue zanin e tij të fikët, qi bahej ma i plotë.., e tue pa syt e tij të mekun kah ndezeshin e shkëlqeshin, tue përmendë Shqipninë, unë gjith përmallue, nuk mujta me u ndalë pa lëshue bashkë me dy pika lot, nji të puthun të nxehtë mbi at dorë qi punoi sa e sa kohë për Atdhe…!”
1920: POETI KOMBTAR AT GJERGJ FISHTA SHKRUEN PER GURAKUQIN:
“Të tham të verteten se m’âsht dashtë t’skuqesha për inferioritetin t’em. Âsht e kotë të gënjehemi. N’se përjashtohet Gurakuqi qi vetëm ai ka nji kulturë të përshtatshme, ka nji atdhetari të shëndoshtë dhe nji njohuni të gjânë për njerëzit dhe për sendet e Shqypnisë, asnji nga anëtarët e qeverisë, kjoftë të saj së maparshmes, kjoftë të së tashmes, nuk mund të thotë se e paraqet dejsisht Shqypninë e të mbrojë si duhet interesat e saj.”
DIJETARI AT JUSTIN RROTA THOTË PER LUIGJ GURAKUQIN:
«Gjuhën shqype e njofti mâ mirë e mâ këthelltë se çdo shqyptár.»
RADOMIR NACHTINGALL E ÇMONTE ME KËTO FJALË GURAKUQIN:
“Ka merita të shquara në zhvillimin e gjuhës letrare shqipe, në përpunimin e gjuhës letrare dhe në njësimin e shqipes së shkruar, në stabilizimin e drejtshkrimit, në pasurimin e fjalorit, në çështjet e leksikologjisë, terminologjisë e të gramatologjisë. Gurakuqi është tekstologu më i shquar shqiptar i fillimit të shekullit tonë.”
1924 DHJETOR – AT ANTON HARAPI E PYETI LUIGJ GURAKUQIN:
“Si me falimentue kështu, Luigj? Si me dalë me hikë ju tash prej Shqipnije?
Kishte vdekë në kambë burri i dheut, me e pasë pré, gjak s’kishte qitë. U kuq, ju muer goja, shtërngoi buzët e i dha vehtes:
– Padër Anton na skredituen (diskredituen) tepër keqas, na kanë deklarue komunista n’opinionin publik t’Europës. Për Zoten, nuk due t’iku, por po ndeja unë këtu, e dij se derdhet gjak e derdhet kot. Të kishe pse, nuk po shikojshe fort për gjak qi derdhet, se ma për vedi jo se jo, por po m’vjen si trathtí ta marr në qafë popullin e shkretë”…
Ja dhe dedikimi i At Antonit tek libri “Andrra e Prêtashit”, kushtue Luigj Gurakuqit:
“Burrit vërtetë burrë, Luigj Gurakuqit, i cili me kulturën e neltë shpirtnore, mishnoi, madhnoi, përjetoi urtinë, besë e burrni shqiptare, tue mbetë përherë shembull shqiptari me kulturë, simbol i bashkimit kombtar, idealist i shkëlqyeshëm në vorfni.”
***
■Qeveria e Tiranës dhe Akademia e Shkencave, vazhdojnë zbatimin e porosive të lanuna nga diktatorët komunistë, të cilët, po e sundojnë edhe per së vdekuni Popullin Shqiptar !
2019: Shqiponjat e verteta të Shqipnisë po vazhdohet me u gjuejtë edhe sot me gur…
Rrenimi i Shtëpisë së Atdhetarit Luigj GURAKUQI asht treguesi ma i mirë që i bahet një Shqiptarit të Madh të perjetshëm që, sakrifikoi gjithëshka per një Shqipni të Lirë.
Jemi në pragun e Festës së Flamurit Kombtar: E kam thanë dhe prap do t’a persërisë:
“PO MOS T’ ISHTE NJI’ KY BURRË,
KURR N’ SHQIPNI S’ U NGRIT FLAMUR !”
Melbourne, 26 Nandor 2019
Aktualitet
Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e GjermaniOpinione
Trazira në Europë, aty ku Perëndimi i trazuar takohet me Lindjen paqësoreAktualitet
Prishtina shtrenjton parkimin, deri në 20 Euro për një ditë në qendërAktualitet
Shqipëria dhe Kosova forcojnë bashkëpunimin për shpëtimin në maleAktualitet
Bota përballet me mungesë financimi prej 30 trilionë Eurosh
Veprimtari kulturore


