E mërkurë, 18 nëntor 2026

Rubrikat

Mbështet Limit.al

KONTRIBUTI I MALËSISË SË GJAKOVËS NË BETEJËN E KOSHARES – Nga Rrustem BERISHA, ish Ministër i Mbrojtjes, Komandant në Koshare

Malësia e Gjakovës për shekuj ka qenë djep i patriotizmit, nderit e trimërisë. Kontributi i kësaj krahine kreshnike të shqiptarizmës nuk mund të shprehet me fjalë. Por, këtu dua të shpreh mirënjohjen time të thellë për rolin e Malësisë së Gjakovës në Betejën e Koshares.

Djemtë e Malësisë së Gjakovës janë rreshtuar me armë në radhët e Brigadës 138 “Agim Ramadani” dhe kanë luftuar burrërisht në vijat e para të frontit. Malësia e Gjakovës i dha dëshmorë Kosovës nënë në Koshare, i dha Heronj të Kosovës. Nga luftëtarët tanë tropojanë kemi edhe të plagosur. Me një fjalë, suksesi i Betejës së Koshares lidhet drejtpërdrejt me angazhimin e Malësisë së Gjakovës.

Oficerët e kësaj treve, përveç tjerash, i kanë stërvitur luftëtarët tanë edhe në përdorimin e tankseve, për të qenë të gatshëm që në rast të marrjes së tankseve nga armiku, fuqinë e zjarrit të këtyre tankseve t’ia drejtojmë armikut.

Gjatë Betejës së Koshares, Spitali i Bajram Currit është shndërruar në spital fushor të Brigadës sonë. Janë bërë pjesë e strukturës sonë ushtarake. Tërë personeli i këtij spitali ka qenë në dispozicion 24 orë në ditë, 7 ditë në javë, për t’i shëruar ushtarët e plagosur në front. Mjekët dhe personeli tjetër i këtij spitali kanë shpëtuar jetën e shumë ushtarëve tanë.

Kam shumë për të thënë për kontributin e shquar të Malësisë së Gjakovës në Betejën e Koshares. Fjalët nuk mjaftojnë.

Banorët bujarë të Malësisë së Gjakovës kanë strehuar në shtëpitë e tyre mbi 40.000 civilë nga Kosova, të larguar me dhunë gjatë luftës.

Faleminderit Malësi e Gjakovës! Faleminderit Shqipëri!

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Histori