E mërkurë, 18 nëntor 2026

Rubrikat

Mbështet Limit.al

Josif Visarianoviç Stalini bani të vetmen punë të mirë në jetën e tij, kur vdiq…

Histori e vertete nga ILIR SECI

Si sot me 5 Mars të vjetës 1953, Josif Visarianoviç Stalini bani të vetmen punë të mirë në jetën e tij – ktheu patkonjtë ka Dielli ose thanë shul shqip – vdiq…

Në Shqipnine Socialiste per dekë të Stalinit u ba gjamë e madhe, gjamë kolektive, Partia angazhoi tanë vendin me e qa prijesin…tanë popullit iu ba thirrje që anembanë atdheut socialist me ra në gjunj e me vajtua “Babën Stalin”…

…Mirë e si asht ma zi, bash atë ditë nji Malsor qillon që bjen në Shkoder me ba pak pazar edhe me krye do punë, e kur i afrohet shehrit, sheh n’tana anët gjind ka kjajnë edhe vajtojne…

– “Heu Nimo Zot e Ora e Maleve” – lutet Malsori…e me vedi mendon – “Kenka ba nami, tuk paska ra tërmet e rrafshue Shkodra.”

Mbledh pak vedin nga tronditja Malsori e dvet nji truç njerezish që po gjamojshin tue grrithë faqet e tue çkye teshat :

– “Çka ka ba vaki burra?! Pse je ka gjamoni kshtu?”

– “A ba e zezë dita, a s’ke ndie a? Ka vdekë Baba Stalin more!” – i thonë…

– “Hajt kjofshi shndoshë për të edhe e ndihmoftë Krishti! Dritë i pastë shpirti” – ban zakonin Malsori…

– “Mos!” – i bërtitën tanë njiherit – “mos thuej njashtu se nuk ban!”

– “Me falni burra” – tha Malsori – “shaZoten nuk e dita që kenka mysliman! Atëherë Allahu e ndihmoftë edhe e pranofte në xhenet!”

“Jo, jo, jo…” – iu lëshuen tanë – “as ashtu nuk ban me thanë.”

-“Heu bre…hajt pra hangertja Dreqi shpirtin! Krisht jo, Muhamet jo, po çka drejn asht ai!?” – u tha Malsori…

…Sigurimi në kambë në tana anet e nji ta mbërthye të ngratin e rrasë në burg, 8 vjet të rrasta burg i ka ba nja m’nja për ate fjalë…

Histori e vertete…

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Histori