E mërkurë, 18 nëntor 2026

Rubrikat

Mbështet Limit.al

Fund-marsi, i Dragoit të Dragobisë – Nga: Zeqir Lushaj

GËSHTENJA E BAJRAM CURRIT

– Në fshatin tim, në Gri të rrethit të Tropojës, u ruejt rreth një shekull, “Monument  kulture”, gështenja e Bajram Currit. I qëndroi një shekulli, por jo tranzicionit anarkodemokratik të viteve ’90-

                  Bace Bajrami

Gështenja, “mollë sherri”, qëlloi atë ditë,

Njëri “është imja”, tjetri “s’është jotja”,

Kokrrat e pjekura binin në lëndinë,

Në mes vëllezërve po binte mortja!

Fjala nxjerr fjalën, pushka do kërciste,

Me gjak do të skuqej uji e lëndinat,

Fati e solli atë çast, si udhëtar,

Bacë Bajramin, së bashku me trimat.

Fjala e Bacës, e ambël si mjalti,

(Ndërmjetësia e trimit, është e denjë!),

Dy fise shpëtoj nga vëllavrasja e tmerrshme,

– Ooo burra! –A ma falni mua, këtë gështenjë?!      

Mendueshëm, malsorët u shikuan ndërsy,

(Për një gështenjë, nuk turprohet burri!),

Dhe folën, prerazi, përnjëherë:

– Të qoftë falë, o Bajram Curri!!

…!

Tytat e armëve u ulën ngadalë,

Duart shtërnguan burrat e Grisë,

Lëshoi shtat, gështenja ndan rrugës,

Me emrin e Dragoit të Dragobisë!

./.

(Nga libri “Hija e vendlindjes”, faqe 23)

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Histori