E mërkurë, 18 nëntor 2026

Rubrikat

Mbështet Limit.al

“BOMBA SOVJETIKE”

Në mesnatën e 26 shkurtit 1951 u pushkatuan pa gjyq dhe pa faj 22 intelektualë të shquar të Tiranës dhe të Shqipërisë, me vendim të Byrosë Politike të KQ të PPSH, me pretekstin e të ashtuquajturës “Bomba sovjetike”, një sasie vogël dinamiti hedhur në oborrin e Ambasadës Sovjetike në Tiranë, prej nje dore të fshehtë.

Propaganda fajësoi për këtë organizatën antisovjetike, por që s’kishte asnjë lidhje me të pushkatuarit. Njëzetë dy intelektualët e pafajshëm, mes tyre dhe Sabiha Kasimati, shkencëtarja e parë shqiptare, u ekzekutuan në breg të lumit Erzen, ku u groposën në errësirë dhe fshehtësi në një varr të përbashkët. Familjet e tyre u internuan në kampet e përqendrimit të Tepelenës, Vlorës, etj.

            Partia Demokratike kërkon që 26 shkurti të shpallet data e përkujtimit të viktimave të komunizmit. Kërkesa është hartuar në kuadër të një nisme për amendimin e ligjit në fuqi, atë me nr. 7561, datë 21 shkurt 1992, “Për festat zyrtare e ditët përkujtimore”, i ndryshuar.

Në relacionin e përpiluar nga 9 deputetë të PD-së, theksohet se rëndësia e datës 26 shkurtit si “Dita e Kujtesës së Viktimave të Regjimit Komunist” qëndron në faktin se ajo lidhet me një akt kriminal të ndërmarrë nga kupola politike e regjimit të Enver Hoxhës. Fjala është për bombën në ambasadën sovjetike në Tiranë dhe pasojën e saj me pushkatimin e 22 intelektualëve.

PD-ja argumenton se “kjo datë është e përshtatshme për disa arsye”, duke nisur nga fakti se ajo “permbledh gjithe elementet e paligjshmerise dhe te krimit shteteror”, sepse vendimi u mor jo në sallën e gjyqit, por në Byronë Politike pas të cilit u kryen arrestimet. Po kështu arrestimi “u bë mbi listat e vdekjes, të parapërgatitura nga Sigurimi i Shtetit” dhe se personat e “që u pushkatuan u zgjodhen nga gjithë hapësira shqiptare, por që jetonin në Tiranë: qytetarë nga Gjakova, Shkupi, Shkodra, Dibra, Tirana, Korea, Delvina, Gjirokastra, Çamëria etj, në mënyrë që terrori shtetëror komunist të godiste gjithë Shqipërinë”.

PD-ja mendon se ky akt përbën krimin më të errët të regjimit edhe sepse viktimat u njohën sit ë pafajshme nga vetë regjimi i Enver Hoxhës që  “8 muaj më vonë, (Tetor 1951), një gjykatë speciale dënoi ata persona, që kishin hedhur në të vërtetë dinamitin në oborrin e ambasadës sovjetike”.

Kohët e fundit PD u tërhoq nga kjo nismë e një grupi të deputetëve të saj.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Histori