–8o VJET–
1940 – 2020
AT GJERGJ FISHTA O.F.M.
E mërkurë, 18 nëntor 2026
–8o VJET–
1940 – 2020
AT GJERGJ FISHTA O.F.M.
ASHT MENDJA, ZEMRA E
SHPIRTI I
POPULLIT SHQIPTAR !
PLLAKAT NGA FRITZ RADOVANI (2019)
Vllazen e Motra Shqiptarë!
Me daten 22 Nandor asht Dita e Alfabetit Shqip, që u punue në Shoqninë “Bashkimi” të Shkodres në vitin 1908, nga Poeti Kombtar At Gjergj Fishta, dhe u aprovue në Kongresin e Manastirit.
Ai Alfabet na mësoi me shkrue fjalët Nanë, Babë e Shqipni…
Veprat tjera të Atdhetarit At Gjergj Fishta i sherbyen gjithmonë Bashkimit Shqiptarve nen tingujt e Hymnit Flamurit Kombtar, Flamurit të Gjergj Kastriotit – Skenderbeut!
Në këte 80 vjetor që i madhi At Fishta mbylli sytë pergjithmonë, mendoj se, Shqiptarët duhet të kujtojnë Veprat e Tij të Perjetëshme tue i kushtue:
“VITIN 2020 VITI I AT GJERGJ FISHTES”
Melbourne, 20 Nandor 2019. Me respekt, Fritz RADOVANI
Kujtoj…Sot, mbas disa vjetësh…
Një nder letrat e At Gjergj Fishtës:
NORBERT JOKLI
(1877 – 1942)
Shkelqësisë së Tij Françesko Jakomoni, Luogotenente:
Shkoder, 23 shtator 1939
Shkelqësi,
Mendoj se ma i miri gjuhëtar i gjuhës shqipe në Europë, asht Profesor Norbert Jokli, me kombsi çfute, qi, para Anshlusit, ishte bibliotekar i Universitetit të Vjenës e profesor gjuhsije në të njajtin universitet. Tashti, më shkruen prej Vjenet, se autoritetet lokale i kanë thanë këtij albanologu të shquem që të largohet, mbrenda 30 ditësh, prej territorit të Raihut.
Ai, tashma, asht i ndryem, beqar, me nji fat mjaft modest, Atij, natyrisht i duhet të rropatet me gjetë ndonji vend, kudo të jetë, sa me jetue. Duket se don me shkue n’ Amerikë.
Shkelqësi, pa dyshim, do t’ ishte nji fatkeqsi e madhe per gjuhën kombtare shqipe, në kjoftë se ky shkenctar, me famë europjane, qi unë e njof e qi, me autoritetin e tij të pa diskutueshëm, ka majtë gjatë interesin e filologve ma të permendun per gjuhen shqipe, të jetë i shternguem me braktisë Europen.
Kombi shqiptar, i tani, do t’ ju dij per nderë shumë, në se Shkelqësia e Juej të mundet me gjetë mundsinë e t’ a bajnë me ardhë në Shqipni, tue i caktue aty nji vend, edhe pse jo aq fitim prues, megjithate të pershtatshëm per famen e tij si shkenctar e gjuhëtar i shquem.
Jam i sigurt se do t’a merrni në konsideratë dashamirse këte propozim t’emin, qi unë e paraqes n’ emen të t’ gjithë intelektualve shqiptarë.
Perfitoj prej rastit, per t’ Ju lutë, të pranoni ndjenjat e respektit ma të madh dhe me mirnjoftje të thellë.
Shkelqësisë s’Uej,
i dëvoçëm e mirnjoftës
At Gjergj Fishta O.F.M.
Shenim nga F.Radovani:
Nuk besoj se ka nevojë per koment ky dokument origjinal!
Melbourne, 16 Prill 2020.
Aktualitet
Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e GjermaniOpinione
Trazira në Europë, aty ku Perëndimi i trazuar takohet me Lindjen paqësoreAktualitet
Prishtina shtrenjton parkimin, deri në 20 Euro për një ditë në qendërAktualitet
Shqipëria dhe Kosova forcojnë bashkëpunimin për shpëtimin në maleAktualitet
Bota përballet me mungesë financimi prej 30 trilionë Eurosh
Veprimtari kulturore


