E mërkurë, 18 nëntor 2026

Rubrikat

Mbështet Limit.al

1954/Enver Hoxha: Taho Sejko është çam, nuk duhet emëruar

Nga Kastriot Dervishi

Regjimi i Enver Hoxhës nuk ka asnjë diskutim që ishte antikombëtar, përçarës dhe luftues i unitetit kombëtar. Shqiptarët nga krahinat e ngelura jashtë njësisë politike të Shqipërisë, nga krahinat e Çamërisë dhe Kosovës kanë qenë vazhdimisht të poshtëruar e keqtrajtuar nga regjimi internacionalist proletar i Enver Hoxhës (statistika penale është vërtet e frikshme dhe pjesë e një studimi të madh gjithëpërfshirës timin). Mbeten jo plotësisht të qarta arsyet pse ky regjim antikombëtar kishte aq urrejtje e politikë goditjeje për kosovarët dhe çamët. Disa prej shkaqeve mendohet se lidhen me veçorinë e regjimit apo formën klanore e krahinore që ai mori, shto këtu karakteret e shtrembra të drejtuesve të partisë e të shtetit.

Sjellim sot një mbledhje të Byrosë Politike të vitit 1954, në të cilën diskutohen kandidatura për kryetarët e komiteteve ekzekutive të këshillave popullore të rretheve (pak a shumë ishin në rolin e kryetarit të bashkisë sot). Pavarësisht se ishte këshilli popullor që bënte “zgjedhjen”, në të vërtetë, ajo diktohej nga Byroja Politike, e cila e kishte në tabelën e emërtesave të saj këtë funksion. Enver Hoxha shprehet kundër emërimit të Taho Sejkos si kryetar i komitetit në Delvinë se ishte çam. Vendoset që të emërohet Menella Bulka. Argumente i përdorur se në Delvinë “kishte shumë çamë” nuk shkonte sepse pjesa më e madhe e popullsisë çame ishte vendosur në vende të tjera si në Vlorës, Fier, etj.

Taho Sejko u arrestua më 28.7.1960 dhe më pas u dënua me vdekje e pushkatua. Nuk i pranoi akuzat imagjinare të regjimit.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Histori