Shqiptaro-amerikanja është zëvendës-presidente e Shërbimit për Klientët në “United Wholesale Mortgage”
Tereze Gegaj, zëvendës-presidente e Shërbimit për Klientët në “United Wholesale Mortgage”, po e kthen UWM në një nga kompanitë e rendit të parë në mbarë Amerikën kur vjen puna për besnikëri dhe mbresa të klientëve.
Nën udhëheqjen e zj. Gegaj, UWM ka arritur që Treguesin e Promovimit Neto ta çojë në 91%, më i larti në historinë e kompanisë dhe nga më të lartët në mbarë Shtetet e Bashkuara të Amerikës.
Gegaj ka qenë motori i rritjes së popullaritetit të UWM-së. Ajo ka çuar përpara një numër nismash për plotësimin e nevojave të klientëve si për shembull Asnjë Telefonatë e Mbetur Pas, e cila ka siguruar që asnjë thirrje nga klientët të mos përfundojë në sekretarinë telefonikë; apo zbatimin e një platforme që mbledh përshtypjet e klientëve; si dhe programi Bëje Si Duhet, i cili u jep anëtarëve të ekipit të shërbimit ndaj klientëve më shumë hapësirë për t’u marrë me shqetësimet e tyre.
Gegaj ka jetësuar gjithashtu një ekip trajnuesish për telefonata dhe rezultate që ndihmojnë në ingranimin e mentalitetit Klienti Vjen i Pari si dhe aftësi të mprehta shërbimi në skuadrën e shërbimit ndaj klientëve në UWM.



