E mërkurë, 18 nëntor 2026

Rubrikat

Mbështet Limit.al

Mikpritje çame

Nga Namik Selmani

Mund të më afronin kafenë në tryezat e jahteve më luksoze.

Nga ato që bredhin porteve si parajsë a si një ëndërr.

Veç shijen e duarve  të nënave  çame që gostisin mes ode

Vështirë se do besoja se do të ishte pak më e ëmbël.

Mund të isha para stjuardesave të shumta sipër një avioni

Që një  çast të ofrojnë pije, kafte të ftohta e të nxehta.

Oo, veç  lëngun e trëndafilëve nga baçja e ballkoni

Vështirë të besoja se do i shijoja sërish ndonjëherë.

Mund të më afronin pjata me mish , ëmbëlsira, banane,

Me fruta ekzotikë që i kemi parë vetëm në libra e në filma.

O, veç  shija e arrave, fiqve, ftonjve dhe bajameve  çame

Mbeten kurora më vyer pa patur nevojë për stolira.

Kam lotuar nga urimt fjalëëmbla nga zemra e ngrohtë.

Me sytë që  mbeteshin  në vite kaq të kadifenjtë

Kur në duar na vinin borzilokun e manxuranin me aromë,

Nga qielli largoheshin mjegullat, stuhitë dhe retë.

Në hotelet me yje të zgjasin çokollata, koktejle dhe fruta.

Teksa rri në  mes neonesh,  llampadarëve ,  shushurima pishinash.

Veç përkëdhelja  e gjysheve  çame me duar tërë rrudha.

Ishte sa një mijë yje të ndezur verbueshëm mes vetrinash.

Në kroçere oqeanesh të vënë harta e muzikë xhazi.

Dhe në dyer tualetesh të rrinë me peshqir në duar.

Oo, mos më bëni mëkatar nostalgjik për kohëra malli

Për atë buzëqeshje që nuk e paguan as banka me florinj.

Boston, 9 gusht 2018

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Diaspora