E mërkurë, 18 nëntor 2026

Rubrikat

Mbështet Limit.al

Diçka po më mbyt – Nga NEKI LULAJ *

Diçka brenda vetes më currit, fort  më sëmbon

Si gjinkalla në vapë po më zukat nëpër hije.

Qielli më është bërë gurë e era bishë po frymon

Në kohën e pakohë diçka  sikur  një mur po më bie.

Lëngata si futë e zezë vitesh po djeg  si në vapë

Kur dëgjoj fyerjet,batutat  e pëplase si gjela.

Dashuria po më thahet si kashta e thatë në mullar

Kur mësoj se si nga kosherja amë po ikën bleta.

Atje ku tokës i vjen era nënë dy gjinj do ia puthë.

I vjen era babë e  oxhak-ju shulloheni nën hije.

Ju medriokët harruat fjalën besën që dhatë në luftë

Jeni shndërruar në kasap votash e  në kusarë lirie.

Zabelin e mëkatëve kurrë s`do t`ua falë.

Mallkimi ju zë peng dhe koha do ju dënojë.

Në Purgatorin e Dantes shpirti do ju digjet në zjarr.

Këtë dënim e kanë  tradhëtarët në këtë botë.

_____

* Poet nga Deçani i Kosovës, emigrant në Gjermani.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Diaspora