E mërkurë, 18 nëntor 2026

Rubrikat

Mbështet Limit.al

Artistët i përjetësojnë në veprat e tyre njerëzit që i shërbejnë kombit tonë

Nga:  MAL BERISHA  – Ambasador, historian, perkthyes, analist


Imer Imer Thaçi, një patriot nacionalist i shquar pukjanë, pasi nuk e duroi dot dhunën komuniste, e kaloi kufirin shqiptar dhe u vendos në tokat po- shqiptare, nën Jugosllavi.

Atje ai gjeti po të njëjtën “pritje”: Dhunën e UDB – së Jugosllave e cila pasi e ndoqi dhe e përndoqi, e ekzekutoi bashkë me vëllain e tij Rrustem Thaçi.

Në atë kohë, ai kishte dy djem binjakë, dy vjeçarë, Skënderin dhe Nderimin, të cilët u arrestuan dhe u mbajtën në burg bashkë me nënën e tyre, Bade Elezja, bashkëshorten dhe fëmijët e mitur të xhaxhait. Rasti i Skënderit dhe Nderimit, të burgosur politikë në moshën dy vjeçare është një rast unik në botë.

Trupat e vëllezërve Thaçi, u zhdukën nga UDB – ja dhe nuk u gjetën më kurrë.

Por arti i vërtetë i përjetëson figurat e ndritura të kombit.

Kështu ndodhi edhe me portretin figurë, vaj në kanavacë, të Imer Imer Thaçit, vepër e piktorit tonë shumë të shquar, Bashkim Ahmeti – Izano.

Kjo vepër monumentale iu dorëzua nga autori dhe zonja e tij, Pranvera Ahmeti, në sallën e Hotel Magra – Austria, zotëri Skender Thaci në prani të familjes së tij, të fëmijëve,  nipave dhe mbesave, zonjës dhe fëmijëve të të vëllait Nderimit, dhe dajës së tij Dr. Ahmet Ulaj dhe zonjës së tij Afrimes.

Të gjithë jemi të vdekshëm.

Lum kush len veprën dhe emrin e mirë me të cilin nderohen brezat që vijnë, siç ndodhi mbrëmë në Magra – Austria,  Bernicë – Prishtinë.


MË: 30 PRILL 2022

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Diaspora