E mërkurë, 18 nëntor 2026

Rubrikat

Mbështet Limit.al

Zyrtarëve të BE-së u kërkohet të përgatiten edhe për Brexit pa marrëveshje

Zyrtarë të lartë të Bashkimit Evropian u paralajmëruan të mërkurën për mundësinë e daljes së Britanisë nga blloku pa marrëveshje.

Procesi i njohur si Brexit duhet të përfundojë deri në mars të vitit të ardhshëm.

Negociatori i BE-së për Brexit-in, Michel Barnier, dhe sekretari i përgjithshëm i Komisionit Evropian, Martin Selmayr, i njoftuan komisionarët evropianë për përparimin e bërë në negociata vetëm një javë para samitit të 18 tetorit për Brexit-in, i cili është cilësuar si “momenti i së vërtetës”.

Barnier tha se negociatat në nivel teknik do të vazhdojnë edhe këtë javë.

Selmayr, i cili është ngarkuar me koordinimin e punëve për mbrojtjen e BE-së nga dëmtimi ekonomik dhe politik nëse Brexit-i bëhet pa marrëveshje, tha se palët duhet të përgatiten “për çdo rezultat”.

Brukseli dhe Londra kanë caktuar mesin e tetorit si afat për finalizimin e marrëveshjes mbi kushtet e daljes së Britanisë nga BE-ja.

Por, dy palët mbeten të ndara sidomos rreth çështjes së kufirit irlandez, indikacioneve gjeografike, të cilat specifikojnë origjinën e mallrave të caktuara bujqësore, dhe rolit të Gjykatës Evropiane të Drejtësisë.

Muajin e kaluar, Fondi Monetar Ndërkombëtar ka paralajmëruar se ekonomia e Britanisë do të ketë rënie të menjëhershme nëse largohet nga BE-ja pa marrëveshje mbi kushtet e divorcit.

Mbretëria e Bashkuar duhet të dalë nga BE-ja më 29 mars, 2019, në përputhje me referendumin që ka mbajtur për këtë çështje, në vitin 2016.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota