E mërkurë, 18 nëntor 2026

Rubrikat

Mbështet Limit.al

Zhvillohet stërvitje e përbashkët ushtarake e katër vendeve të Evropës Qendrore

Kryeministrat e katër vendeve të NATO-s, Republikës Çeke, Hungarisë, Polonisë dhe Sllovakisë u takuan të dielën në një ceremoni në Varshavë. Ata vëzhguan stërvitjet ushtarake të njësive që do të shkojnë në Afganistan. Takimi shënoi edhe përvjetorin e anëtarësimit në NATO të këtyre vendeve të Evropës Qendrore, të njohura si Grupi i Vishegradit 4.

Në Varshavë, ushtarët polakë simuluan një sulm ndaj pozicioneve të armikut. Kryeministrat e Hungarisë, Polonisë, Sllovakisë dhe Republikës Çeke u mblodhën për të festuar përvejtorin e anëtarësimit të tyre në NATO.

“Gjatë 20 viteve të fundit, vendet tona kanë provuar se janë anëtarë të çmuar të NATO-s, ndërsa aleanca ka provuar vazhdimisht se është garantuese e sigurisë së përbashkët”, tha Kryeministri i Polonisë, Mateusz Morawiecki.

Udhëheqësit pranuan edhe rolin në transformim të NATO-s në shekullin e 21-të.

“NATO po rritet pasi siguria në Evropë sot është e luhatshme. Jemi krenarë që po marrim pjesë në luftën kundër terrorizmit, jo vetëm me fjalë, por edhe me ushtarë”, tha Kryeministri i Hungarisë, Victor Orban.

“Fakti që vendet tona nuk e duan luftën dhe nuk janë të interesuar të shkaktojnë luftë, nuk do të thotë se të tjerët nuk do përdorin paqëndrueshmërinë në Evropën Lindore për të promovuar interesat e tyre”, tha Kryeministri i Sllovakisë, Peter Pellegrini.

Stërvitja ushtarake u zhvillua nga brigada që do tu bashkohet së shpejti njësive të misionit të NATO-s në Afganistan.

“Nuk e perceptojmë anëtarësinë në NATO si një mënyrë që dikush të na mbrojë, por e shohim si përgjegjësinë tonë aktive ndaj vendeve të tjera anëtare. E marrim shumë seriozisht përgjegjësinë e mbrojtjes kolektive”, tha Andrej Babis, Kryeministër i Republikës Çeke.

Këto vende u anëtarësuan në Bashkimin Evropian në vitin 2004 dhe grupi mori emrin e qytetit hungarez Vishegrad, ku u mblodhën për herë të parë në vitin 1991.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota