E mërkurë, 18 nëntor 2026

Rubrikat

Mbështet Limit.al

Vendet evropiane akuzojnë Iranin për zhvillimin e raketave balistike

Franca, Gjermania dhe Britania e Madhe kanë shprehur shqetësime se Irani ka zhvilluar një sistem raketash balistike, të afta për të bartur armë bërthamore, në kundërshtim me rezolutën e Këshillit të Sigurimit.

Në letrën e përbashkët, të cilën të trija vendet i dërguan Sekretarit të përgjithshëm të OKB-së, thuhet se “zhvillimi i raketave balistike me aftësi bërthamore” është në kundërshtim me rezolutën e Këshillit të Sigurimit të Kombeve të Bashkuara, e cila miraton një marrëveshje bërthamore të vitit 2015 mes fuqive botërore dhe Iranit.

Në bazë të marrëveshjes, Teheranit i kërkohet të mos vazhdojë aktivitete që ndërlidhen me raketa të tilla.

Vendet e BE-së që e përpiluan letrën, janë tre nga gjashtë nënshkruesit e marrëveshjes bërthamore të vitit 2015.

Vendet tjera janë: Shtetet e Bashkuara, Rusia dhe Kina.

Në muajin maj të vitit të kaluar, presidenti i Shteteve të Bashkuara, Donald Trump, u tërhoq nga marrëveshja bërthamore, përmes së cilës, Irani u pajtua të frenojë programin bërthamor, në këmbim të lehtësimit të sanksioneve.

Uashingtoni e ka akuzuar gjithashtu Iranin se po punon për të zhvilluar raketa bërthamore, pohime këto që Teherani i mohon.

Pesë nënshkruesit e mbetur ende e mbështesin marrëveshjen.

Parisi, Londra dhe Berlini në letrën e tyre drejtuar OKB-së citojnë rezolutën e Këshillit të Sigurimit e cila i kërkon Teheranit “të mos ndërmarrë asnjë veprimtari që lidhet me raketat balistike”.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota