E mërkurë, 18 nëntor 2026

Rubrikat

Mbështet Limit.al

Vaksinimi i detyrueshëm në Francë: i kontestueshëm dhe efektiv

Prej sot punonjësit në sistemin e shërbimit shëndetësor francez ose edhe te zjarrfikësit duhet të dëshmojnë se janë vaksinuar kundër koronavirusit.

Detyrimi i pjesshëm për t’u vaksinuar me detyrim është i konstueshëm. Por shqetësimi është krejtësisht i paarsyeshëm, mendon Martin Hirsch. Drejtori i spitaleve publike të Parisit bën një krahasim të thjeshtë: “Një makinist treni duhet të kalojë test shikimi para se të bëjë punën. Testi ynë i syve është dëshmia se ne nuk mund të infektojmë askënd me Covid-19.”

Frikë nga mungesa edhe më e madhe e punonjësve

Jo të gjithë e shohin këtë me kaq qetësi dhe me pragmatizëm. Vaksinimi i detyrueshëm për punonjësit e spitaleve dhe të shtëpive të të moshuarve, për klinikat e mjekëve dhe farmacitë, për zjarrfikësit dhe madje edhe për studentët e mjekësisë po shkakton protesta dhe stres të përsëritur në ekipet tashmë të pakta të stafit në klinika.

Frankreich Paris | Demonstrationen | Verschärfte Corona-Regeln

Tani do të mungojnë edhe më shumë infermierë, druhet Cédric Lussiez nga grupi i spitaleve Nord Essonne: “Kur stafi nuk mund të punojë sepse nuk është i vaksinuar, natyrisht kolegët duhet të ndërhyjnë dhe të punojnë jashtë orarit për të mbushur boshllëqet”.

Shumica e punonjësve janë vaksinuar plotësisht

Por sa të mëdha do të jenë këto boshllëqe në të vërtetë është e vështirë të parashikohet. Sipas autoriteteve shëndetësore francez, rreth 84 përqind e punonjësve të shëndetësisë janë të vaksinuar plotësisht. Midis mjekëve në profesion të lirë ose punonjësve të kujdesit ambulator, shifra është deri në 91 përqind.

Sindikata përgjegjëse, CGT, paralajmëron: detyrimi tashmë në fuqi i vaksinimit mund të çojë në pranimin e më pak pacientëve në spitale dhe që operacionet të anulohen plotësisht. Por shumë menaxherë të shëndetit supozojnë se vetëm një numër shumë i vogël prej një deri në dy përqind i punonjësve do t’i rezistojnë përgjithmonë vaksinimit. Kjo është arsyeja pse Hirsch gjithashtu është optimist:

Frankreich Monaco | Protest gegen Coronamaßnahmen

“Java e ardhshme do të jetë e vështirë, por a ja vlen përpjekja? Përgjigja është po. A ka çuar vaksinimi i detyrueshëm në rritjen e kuoatave të vaksinimit? Po. A ka çuar vaksinimi në më pak sëmundje dhe më pak mungesa të sistemit shëndetësor? Me siguri – po.””

Të pavaksinuarit i pret pezullimi nga puna

Pra, shkalla e vaksinimit po rritet. Sepse kushdo që aktualisht nuk ka të paktën dozën e parë të vaksinës mund të pezullohet nga punëdhënësi i tij – pa pagesë.

Nga mesi i tetorit, 2.7 milionë punonjësit në grupet e prekura profesionale duhet të dëshmojnë se janë vaksinuar plotësisht. Por spitalet po veprojnë me shpejtësi. Në Lyon, për shembull, të gjithë punonjësit e spitalit që nuk janë vaksinuar marrin një mesazh me tekst kujtues në telefonin e tyre celular – përfshirë një rezervim preferencial në një qendër vaksinimi.

aud (ard)

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota