E mërkurë, 18 nëntor 2026

Rubrikat

Mbështet Limit.al

Uashington, tubim kundër abortit

Mijëra demonstrues po mblidhen në Uashington për një tubim vjetor kundër abortit.

Në një postim në twitter të mërkurën Presidenti Donald Trump njoftoi se do të mbajë një fjalim gjatë tubimit të quajtur “Marshimi për jetën”, çka shënon dhe pjesmarrjen për herë të parë të një presidenti në detyrë.

Fjalimi i zotit Trump, i cili dikur e cilësonte veten si një njeri shumë pro zgjedhjes së lirë, vjen ndërsa ndaj tij po zhvillohet një gjyq në Senat që synon shkarkimin nga detyra.

Fjalimin e tij Presidenti Trump do ta mbajë përpara një përfaqësie të gjerë të të krishterëve ungjillorë të cilët në shumicën e tyre e kundërshtojnë abortin. Ata janë ndër mbështetësit e tij më të zjarrtë në radhët e konservatorëve.

Disa ditë përpara njoftimit të zotit Trump se do të merrte pjesë në këtë tubim një organizatë politike kundër abortit, e quajtur “Lista Susan B. Anthony”, bëri të ditur se do të dhurojë 52 milionë dollarë për ta mbështetur atë dhe kandidatët e tjerë republikanë në zgjedhjet e nëntorit.

Presidentja e grupit NARAL Pro-zgjedhjes Ilyse Hogue, në një postim në twitter shkruante se vendimi i zotit Trump për të mbajtur fjalim në tubim është një përpjekje e dëshpëruar për të larguar vëmendjen nga presidenca e tij kriminale, siç shkruante ajo, dhe për t’i dhënë energji bazës së tij radikale.

Donald Trump do të jetë presidenti i parë që do të marrë pjesë në këtë marshim në historinë e tij 47-vjeçare.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota