E mërkurë, 18 nëntor 2026

Rubrikat

Mbështet Limit.al

Uashington, po ndërtohet një urë vetëm për kafshët e egra

Në shtetin e Uashingtonit është duke u ndërtuar një urë mbi një autostradë të ngarkuar, e cila nuk ka për t’u përdorur nga makinat dhe as nga këmbësorët, por vetëm për kafshët e egra. Synimi është që kafshët të mos kalojnë nga rruga e makinave, kur hyjnë në vendbanimin e tyre në pyll.

Makinat që kalojnë nga autostrada ndërshtetërore 90 jashtë Siatllit nuk janë të vetmet udhëtare.

Autostrada kalon mespërmes pyllit në malet Caskade, ku lëvizin edhe kafshët e egra. Në male ka kafshë të egra, që shkojnë nga një vend në tjetrin.

…Dhe kur makinat takohen me kafshët e egra, shpesh kjo përfundon keq, thotë Jen Watkins e grupit ambjentalist “Conservation Northwest:

“Kafshët e egra rrezikojnë të goditen nga makinat e të ngordhin…në afat të gjatë, rrugët kanë ndikim të madh tek kafshët e egra,”– thotë Watkins.

Ajo thotë se rrugët mund t’i ndajnë në mes vendbanimet e kafshëve, duke i bërë shumë të vogla e të pabanueshme mjediset ku ato jetojnë.

Kjo është arsyeja që shteti i Uashingtonit po ndërton një urë vetëm për kafshët e egra, që ato të hyjnë në pyll.

“Urat e kalimit për në vendbanime do t’i mbajnë kafshët larg autostradës I-90 dhe nuk do të rrezikojnë makinat nga kafshët e mëdha.”– thotë Meagan Lott, e Departamentit të Transportit të Shtetit të Uashingtonit.

Urat për kafshët e egra e ndihmuan Parkun Kombëtar Bahff të Kanadasë, t’i pakësojnë me 80 për qind përplasjet.

Pengesat anas urës do të mbrojnë kafshët dhe do të ulin zhurmën e trafikut.

Nganjëherë një rrugëkalim nën autostadë është më i vlefshëm.

Sidoqoftë, kjo nuk i shërben vetëm krijesave të mëdha që rrezikojnë makinat, thotë zonja Watkins.

“Gjithshka, që nga drerët, arinjtë e hirtë, e deri tek hardhucat e vogla, u duhet të lëvizin për të gjetur ushqim, për t’u shumuar, për të gjetur vend për të jetuar, ndërsa popullsia e tyre shtohet; ose thjesht lëvizin ngaqë kushtet ndryshojnë nga shkaqe të ndryshme, si zjarri, psh.”

Në mbarë Shtetet e Bashkuara janë ndërtuar vetëm 12 ura për kafshët e egra.

Ambjentalistja Jen Watkins thotë se nevojiten dhjetra ura të tjera. Pengesa e vetme, thotë ajo, janë fondet për ndërtimin e tyre.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota