E mërkurë, 18 nëntor 2026

Rubrikat

Mbështet Limit.al

Twitter pezullon kongresisten për postimet rreth koronavirusit

Rrjeti social Twitter pezulloi përkohësisht llogarinë e ligjvënëses amerikane, Marjorie Taylor Greene, për shkak të publikimit të informacioneve “çorientuese” për koronavirusin.

Twitter tha se llogaria e saj, për 12 orë, do të mund vetëm të lexohet.

Greene, kongresiste republikane, është kritike e zëshme e vaksinave kundër koronavirusit dhe përdorimit të maskave.

Muajin e kaluar, ajo ka kërkuar falje për krahasimin e rregullave të maskës me trajtimin e hebrenjve në Gjermaninë naziste.

Në dy postime të hënën, ajo tha se vaksinat nuk duhet të kërkohen dhe se koronavirusi nuk është i rrezikshëm për njerëzit e moshave nën 65 vjeç, që nuk janë obezë.

Të dyja postimet mund të shihen ende, por Twitter i etiketoi ato si “çorientuese”.

Në përgjigje të pezullimit, Greene tha se kompanitë e mediave sociale po sulmojnë fjalën e lirë, me mbështetjen e Shtëpisë së Bardhë.

Javën e kaluar, presidenti amerikan, Joe Biden, u bëri thirrje firmave të mediave sociale që të ndërmarrin më shumë veprime kundër përhapjes së informacioneve të rreme rreth koronavirusit dhe vaksinave.

“Ato [informacionet e rreme] po vrasin njerëz. E vetmja pandemi që kemi është midis të pavaksinuarve”, u tha Biden gazetarëve.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota