E mërkurë, 18 nëntor 2026

Rubrikat

Mbështet Limit.al

Trump dhe përpjekjet e rimëkëmbjes nga uragani

Presidenti amerikan Donald Trump vlerësoi përpjekjet për të ndihmuar banorët e shteteve juglindore të Amerikës, të shkatërruara nga uragani Michael. Presidenti vizitoi disa prej këtyre komuniteteve në

Florida dhe Xhorxha, për të parë nga afër dëmet e shkaktuara dhe për të biseduar me banorët.

Presidenti Trump, së bashku me të shoqen Melanian, shpërndanë ujë të pijshëm dhe biseduan me banorët në qendrën e Agjencisë për Menaxhimin e Emergjencave, FEMA, në Lynn Haven, të Floridës. Ndërsa shihte dëmet e shkaktuara, ai u shpreh i habitur për fuqinë e uraganit

“Këto pemë masive të rrëzuara, kanë sjellë shkatërrime. Kudo sheh ujë, uji është i frikshëm, simodomos kur arrin në nivelin 4-5 metra, mund të shkaktojë dëme të mëdha. Nuk është parë ndonjëherë kjo gjendje, e pabesueshme…” – tha Presidenti.

Trump vlerësoi përpjekjet për shpëtimin e jetës së njerëzve dhe ndihmat për komunitetet e shkatërruara:

“Shikoni ç’punë të madhe kanë bërë, të gjithë kanë bërë punë të jashtëzakonshme: FEMA, ekipet e emergjencës, policia… Ishte një stuhi e tmerrshme, dikush e krahasoi me një tornado masiv, se i tillë ishte, nuk kemi parë ndonjëherë erëra kaq të fuqishme.”

Presidenti premtoi ndihmën e qeverisë për përpjekjet e rindërtimit.

Michael ishte stuhia e tretë më e fuqishme që ka goditur Shtetet e Bashkuara. Dhjetra mijëra njerëz u detyruan të shkonin në strehime, pasi shtëpitë e tyre u shkatërruan, apo u bënë të pabanueshme. Kryqi i Kuq amerikan ka ngritur 27 strehime në këtë zonë.

“Dy mijë njerëz e kaluan natën mbrëmë në strehime, kemi 1,300 vullnetarë të shkëlqyer, që punojnë shumë si përgjigje ndaj uraganit Michael,”– tha Gail McGovern, e Kryqit të Kuq Amerikan.

Presidentja e grupit, Gail McGovern, thotë është një sfidë e vërtetë shpërndarja e ndihmave dhe e vullnetarëve sa më shpejt në zonat ku janë më të nevojshme:

“Do të doja të kisha një shkop magjik, për të shpërndarë sa më shpejt njerëzit, kur ndodh një fatkeqësi. Nëna natyrë mund të jetë e pamëshirshme. Kudo nëpër rrugë ka penë dhe shtylla të rrëzuara, kjo e bën të vështirë të gjenden njerëzit në nevojë, kjo merr kohë,” – tha McGail.

Kryqi i Kuq Amerikan nuk merr fonde qeveritare, por mbahet me ndihmat e donatorëve dhe vullnetarëve. Gail McGovern thotë se amerikanët tregohen zemërgjerë në raste fatkeqësish natyrore, si uragani Michael.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota