E mërkurë, 18 nëntor 2026

Rubrikat

Mbështet Limit.al

Trump dhe Merkel biseduan përmes telefonit për Ukrainën dhe NATO-n

Presidenti i Shteteve të Bashkuara, Donald Trump dhe kancelarja gjermane, Angela Merkel, kanë biseduar me telefon lidhur me çështjet ku përfshihet financimi i NATO-s, Ukraina dhe tregtia, deklaruan zyrtarë nga Shtëpia e Bardhë dhe qeveria gjermane.

Përmes një njoftimi nga Shtëpia e Bardhë, thuhet se u diskutua për tregti, debatin për Brexit-in dhe takimet e ardhshme.

Një zyrtar i lartë i administratës së Trump tha se biseda ka përfshirë edhe fondet për aleancën e NATO-s.

Trump kishte kritikuar më parë Gjermaninë dhe aleatët e tjerë të NATO-s, për fonde të pamjaftueshme për mbrojtjen e tyre, gjë që i kushton shumë taksapaguesve amerikanë.

Qeveria gjermane tha se në takim u bisedua edhe për çështjet që ndërlidhen me Ukrainën, por pa qenë specifik.

Forcat qeveritare në Ukrainë kanë luftuar kundër separatistëve pro-rusë në Donjeck dhe Luhansk që nga prilli i vitit 2014, konflikt ky që la të vdekur 13,000 persona – gjysma nga ta civilë.

Moska po ashtu kishte rrethuar dhe aneksuar rajonin e Krimesë së Ukrainës, veprim ky që nuk është mbështetur nga komuniteti ndërkombëtar.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota