E mërkurë, 18 nëntor 2026

Rubrikat

Mbështet Limit.al

Trump dhe Macron takim në Francë, bisedojnë për mbrojtjen

Presidenti i Shteteve të Bashkuara, Donald Trump dhe homologu i tij francez, Emmanuel Macron janë përpjekur që të zbusin tensionet gjatë një takimi sot në Paris.

Më herët, Trump e ka përshkruar si “shumë ofenduese” propozimin e Macronit për të krijuar një ushtri evropiane

Zyra e presidentit Macron ka thënë se presidenti amerikan ka keqkuptuar propozimin e presidentit francez, e cila, siç është thënë, ka për qëllim zvogëlimin e mbështetjes që SHBA i ofron Evropës në aspektin e mbrojtjes.

Pas takimit, Macron tha se është e padrejtë “që siguria evropiane sot garantohet vetëm nga Shtetet e Bashkuara”.

Presidenti Trump, në anën tjetër, theksoi se Shtetet e Bashkuara dëshirojë të ndihmojnë në mbrojtjen e Evropës, por ripërsëriti thirrjet e tij ndaj anëtarëve të NATO-s që të rrisin shpenzimet për mbrojtje.

“Ne duam të ndihmojnë Evropën”, tha Trump, duke shtuar se “tash për tash, barra kryesore është mbi Shtetet e Bashkuara”.

Macron tha se pajtohet me Trumpin në këtë pikë.

“Ne kemi nevojë të ndajmë barrën me NATO-n, prandaj unë besoj se propozimi im për një mbrojtje evropiane është plotësisht në përputhje me këtë”, tha presidenti francez.

Trump dhe Zonja e Parë e SHBA-së janë në Francë, ku po marrin pjesë në shënimin e 100-vjetorit të përfundimit të Luftës së Parë Botërore.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota