Presidenti amerikan, Donald Trump po i kërkon Departamentit të Drejtësisë që të hetojë autorin anonim të artikullit në gazetën “New York Times”, ku vihej në diskutim nëse ai është i përshtatshëm për të qenë President.
Zoti Trump përmendi si arsye për hetimin “sigurinë kombëtare” dhe i bëri thirrje Prokurorit të Përgjithshëm, Jeff Sessions që ta fillojë një përpjekje të tillë.
“New York Times” përmes një deklarate tha se kishte besim se Departamenti i Drejtësisë “nuk do të përfshihej në një shpërdorim të tillë të hapur të pushtetit nga qeveria”.



