E mërkurë, 18 nëntor 2026

Rubrikat

Mbështet Limit.al

Thellohen ndasitë mes SHBA-së dhe Turqisë, shkak sistemi raketor rus

Zyrtarë të lartë ushtarak të Shteteve të Bashkuara kanë shfaqur shpresën se Uashingtoni do të gjejë një mënyrë të zgjidhjes së ndasive me Turqinë, sa i përket vendimit të Ankarasë për të blerë sistemin rus të mbrojtjes raketore.

Megjithatë, sipas shefit të Shtabit të Përgjithshëm të ushtrisë amerikane Joseph Dunford, “kjo është një çështje e vështirë”.

Gjenarali amerikan tha se Pentagoni mundet që së shpejti të pezullojë përgatitjet për dërgesën e aeroplanëve ushtarakë F-35 në Turqi.

Kohë më parë edhe kreu forcave ushtarake amerikane në Evropë, gjenerali, Curtis Scaparrotti, tha se do të rekomandojë që Shtetet e Bashkuara të mos i shesin aeroplanët luftarakë Turqisë, nëse paraprakisht, Ankaraja, nuk zbrapset nga planet për blerë sistemin mbrojtës raketor të Rusisë.

“Këshilla ime më e mirë ushtarake do të ishte që ne nuk do të punojmë me një aleat që është duke punuar me sistemet ruse” tha gjenerali i ushtrisë amerikane, Curtis Scaparrotti, gjatë një seance dëgjimore të Komitetit të Shërbimeve të Armatosura të Senatit.

Presidenti i Turqisë, Reccep Tayyip Erdogan, ka thënë se planifikon të blejë sistemin rus përkundër vërejtjes së Aleancës Veriatlantike, se ai nuk mund të integrohet në sistemin mbrojtës të NATO-s, informon Reuters.

Muajin e kaluar, ministri i Jashtëm turk, Mevlut Cavusoglu, tha se marrëveshja për blerjen e sistemit rus, tashmë është çështje e kryer.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota