E mërkurë, 18 nëntor 2026

Rubrikat

Mbështet Limit.al

Talibanët paralajmërojnë berberët që të mos shkurtojnë mjekra

Talibanët ua kanë ndaluar berberëve në Provincën Helmand të Afganistanit, që t’ua rruajnë burrave kokën, apo t’ua shkurtojnë mjekrën, duke thënë se diçka e tillë është kundër interpretimit të tyre të ligjit islamik.

Secili person që shkel vendimin do të ndëshkohet, ka thënë policia fetare e talibanëve.

Disa berberë në kryeqytetin afgan, Kabul, kanë thënë se kanë marrë urdhra të ngjashëm.

“Askush nuk ka të drejtë të ankohet”, është thënë në njoftimin që është parë nga transmetuesi britanik, BBC.

Këto udhëzime sugjerojnë kthim të rregullave të ashpra të kohës sa kanë qenë talibanët në pushtet, pavarësisht premtimeve për qeverisje më të butë.

Prej marrjes së pushtetit muajin e kaluar, talibanët kanë kryer ndëshkime të ashpra kundër kundërshtarëve.

Të shtunën, luftëtarët e grupit kanë qëlluar për vdekje katër kidnapues të dyshuar dhe trupat e tyre janë varur në rrugët e Provincës Herat.

Gjatë kohës sa talibanët kanë qenë në pushtet, nga viti 1996 deri më 2001, islamistët e linjës së ashpër kanë ndaluar stilet e flokëve të burrat dhe kanë insistuar që burrat të rrisin mjekrat.

Mirëpo që atëherë, burrat janë parë pa mjekra dhe me stile të ndryshme të flokëve, derisa talibanët nuk janë kthyer në pushtet në gusht të këtij viti.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota