E mërkurë, 18 nëntor 2026

Rubrikat

Mbështet Limit.al

Stuhia “jashtëzakonisht e rrezikshme” po i afrohet Floridës

Uragani Dorian pritet të forcohet në shkallën e stuhive “jashtëzakonisht të rrezikshme” teksa i afrohet tokës amerikane, ka paralajmëruar Qendra Kombëtare për Stuhi.

Dorian aktualisht gjendet në kategorinë e dytë të stuhive, mirëpo pritet të arrijë në të treten më vonë gjatë ditës.

Stuhia pritet të godasë Floridan dhe Xhorxhian jugore, ditën e diel.

Deri atëherë, erërat e këtij uragani pritet të arrijnë në më shumë se 209 kilometra në orë.

Stuhitë zakonisht forcohen më shumë teksa barten afër ujërave të ngrohtë, siç janë në brigjet e Floridës.

Disa parashikues të motit kanë krahasuar këtë stuhi me uraganin Andrew, që më 1992 pati arritur në kategorinë pesë duke shkatërruar Floridën.

Presidenti amerikan, Donald Trump ka qenë në mesin e personave që kanë bërë këtë krahasim duke thënë se Dorian “mund të jetë përbindësh i vërtetë”.

Si pasojë e këtyre paralajmërimeve ai ka anuluar një udhëtim në Poloni.

Guvernatori i Floridas, Ron DeSantis, ka shpallur gjendje të jashzakonshme për gjithë shtetin.

Ai po ashtu u ka kërkuar banorëve që të jenë të vëmendshëm dhe të sigurojë ushqim për të paktën shtatë ditë.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota