E mërkurë, 18 nëntor 2026

Rubrikat

Mbështet Limit.al

Spanjë, Partia Socialiste në pushtet është fituesja e zgjedhjeve

Në Spanjë, Partia Socialiste në pushtet është fituesja e zgjedhjeve të përgjithshme të së dielës, me rreth 29% të votave. Kryeministri Pedro Sánchez pritet të fillojë bisedimet për të formuar një qeveri koalicioni.

“Në këto zgjedhje ka fituar e ardhmja dhe ka humbur e shkuara,” i tha të hënën zoti Sánchez mbështetësve të tij, që e brohorisnin.

Pas një fushate zgjedhore thellësisht të përçarë, në parlamentin spanjoll për herë të parë që nga regjimi i diktatorit Franco në mesin e viteve 1970, do të ketë vende një parti e ekstremit të djathtë.

Ndërkohë, Partia Popullore e qendrës së djathtë, e cila pati pushtetin deri në qershor të vitit të kaluar, humbi vota në zgjedhjet e së dielës, ngaqë votat u ndanë në mesin e disa partive të djathta.

Socialistët pro-evropianë do të kenë një rritje të madhe të numrit të ligjvënësve nga radhët e tyre, por ende pa mundur të sigurojnë shumicën e nevojshme për të formuar një koalicion me partinë Podemos të krahut të majtë, ose me partitë rajonale.

Kryeministri Sánchez thirri zgjedhjet e parakohëshme, pasi partitë separatiste katalane në koalicionin e tij qeverisës refuzuan të mbështesnin buxhetin e propozuar prej tij.

Çështja e pavarësisë së rajonit të Katalonjës duket se ka patur ndikim të madh tek situata politike e Spanjë, duke krijuar një konfiguracion të pazakontë të partive politike.

Sapo të formohet, qeveria e re e Spanjës përballet me detyrën e vështirë

për të pajtuar palët, në kushtet kur Spanja është bërë një vend gjithnjë e më i polarizuar.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota