E mërkurë, 18 nëntor 2026

Rubrikat

Mbështet Limit.al

Shefi i Pentagonit: Koreja e Veriut nuk testoi raketë balistike

Sekretari amerikan i Mbrojtjes tha se një armë e re në Korenë e Veriut, e cila është testuar së voni, nuk ka qenë raketë balistike.

Patrick Shanahan, shef i ngarkuar i Pentagonit, tha se forcat amerikane në Korenë e Jugut nuk e kanë ndryshuar gjendjen e gatishmërisë.

“Është bërë një provë. Nuk ka qenë raketë balistike”, tha Shanahan.

Më 17 prill, media shtetërore në Korenë e Veriut raportoi se udhëheqësi i këtij vendi, Kim Jong Un, ka mbikëqyrur testimin e një arme të re taktike me “kokë të fuqishme bërthamore”.

Arma u cilësua si kontribut “me rëndësi të madhe” në arsenalin e Koresë së Veriut.

Prova ka gjasa t’i rrisë tensionet me Shtetet e Bashkuara, edhe pse presidenti amerikan, Donald Trump, ka thënë se Koreja e Veriut i ka pezulluar testet raketore dhe bërthamore.

Trump është takuar dy herë me Kimin, ndërsa takimi i dytë, i mbajtur në Hanoi në muajin shkurt, ka përfunduar pa marrëveshje, pasi Shtetet e Bashkuara kanë këmbëngulur në çarmatosjen e plotë bërthamore të Koresë së Veriut, përpara se t’i lehtësonin sanksionet kundër saj.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota