E mërkurë, 18 nëntor 2026

Rubrikat

Mbështet Limit.al

SHBA, qeveria anulon 400 milionë dollarë për Universitetin e Kolumbias

Marrë nga Reuters

Administrata e Presidentit Donald Trump ka anuluar fondet dhe kontratat me vlerë totale prej 400 milionë dollarësh për Universitetin e Kolumbias në Nju Jork, për shkak të “mosveprimit ndaj përndjekjes së vazhdueshme të studentëve hebrej”, njoftoi të premten Administrata e Shërbimeve të Përgjithshme (GSA).

Qeveria amerikane tha se fondet e anuluara do të zbriteshin nga projektet me vlerë të përgjithshme prej 5 miliardë dollarësh të caktuara për Universitetin Kolumbia. Njoftimi u bë nëpërmjet një deklarate të përbashkët të Departamentit të Drejtësisë, Departamentit të Arsimit dhe Departamentit të Shëndetësisë dhe Shërbimeve Njerëzore.

Universiteti i Kolumbias u vendos në epiqendër të protestave universitare, gjatë të cilave demonstruesit kërkonin dhënien fund të mbështetjes amerikane për Izraelin, për shkak të vdekjeve në radhët e civilëve dhe krizës humanitare të shkaktuar nga operacioni ushtarak i Izraelit në Gazë.

Gjatë protestave dhe kundër-protestave pati akuza për antisemitizëm dhe islamofobi . Universiteti i Kolumbias ka thënë më parë se ka bërë përpjekje për t’iu kundërvënë antisemitizmit.

“Anulimi i këtyre fondeve të taksapaguesve është sinjali ynë më i fortë deri më tani se qeveria federale nuk do të jetë palë me një institucion arsimor si Kolumbia, që nuk mbron studentët dhe punonjësit hebrej”, tha Leo Terrell, drejtues i grupit të punës për antisemitizmin në Departamentin e Drejtësisë.

Nuk u bë menjëherë e qartë se cilat janë konkretisht projektet dhe fondet që po anulohen.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota