E mërkurë, 18 nëntor 2026

Rubrikat

Mbështet Limit.al

SHBA përkrah KFOR-in dhe praninë e trupave të saj në Kampin Bondsteel

Ambasada Amerikane në Prishtinë i ka dhënë mbështetje pranisë së trupave të KFOR-it dhe trupave amerikane në kampin Bondteel në Kosovë.

“Politika e Shteteve të Bashkuara ende është që të përkrahë KFOR-in dhe praninë e trupave të SHBA-ve në Kampin Bondsteel që ruan një ambient të sigurt dhe lirinë e lëvizjes në Kosovë. Sikurse edhe gjetiu nëpër botë kjo dhe vendosjet tjera të trupave të SHBA-ve i nënshtrohen shqyrtimit të rregullt”, thuhet në komunikatën e lëshuar për media.

Sqarimi amerikan pasoi deklaratat e së enjtes të disa politikanëve dhe mediave në Kosovë se Përfaqësuesit e Këshillit të Sigurisë Kombëtare të SHBA-së, gjatë vizitës që i bën Prishtinës, kishin kërcënuar me largimin e ushtarëve amerikanë nga Kosova, nëse Qeveria e Kosovës nuk e suspendon taksën doganore prej 100 për qind të vendosur për importet nga Serbia dhe Bosnjë e Hercegovina.

Qeveria e Kosovës ka vënë këtë masë në nëntor të vitit të kaluar.

Shtetet e Bashkuara kanë përsëritur disa herë se mospezullimi taksës së vënë në importet e Serbisë dhe Bosnjës përbën qëndrim kundër interesave të SHBA-së.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota