E mërkurë, 18 nëntor 2026

Rubrikat

Mbështet Limit.al

Rusia thotë se SHBA po shkakton “shqetësim të thellë global”

Zëdhënësi i Kremlinit, Dmitry Peskov

Kremlini tha të mërkurën se Shtetet e Bashkuara po shkaktojnë “shqetësim të thellë global”.

Zëdhënësi Dmitry Peskov i bëri këto komente dy javë pëpara një takimi të pritur midis presidentit rus, Vladimir Putin, dhe atij amerikan, Donald Trump, në Argjentinë.

“Fakti se Amerika është bërë e paparashikueshme së voni, nuk është sekret për askënd”, tha Peskov për televizionin rus Dozhd.

“Një paparashikueshmëri e tillë nga vendi më i madh, ekonomia më e fuqishme në botë, është shqetësim i thellë global”, tha ai.

Peskov nuk e kritikoi në mënyrë specifike Trumpin.

Zyrtarët rusë vazhdimisht thonë se Trump do marrëdhënie më të mira me Rusinë, porse atë e pengojnë kundërshtarët “rusofobikë” në SHBA.

Shtetet e Bashkuara dhe aleatët e tyre perëndimorë e kanë sanksionuar Rusinë për aneksimin e gadishullit ukrainas të Krimesë në vitin 2014.

SHBA tha, ditë më parë, se po shqyrton sanksione të reja kundër Rusisë për helmimin e një ish-spiuni rus me agjent nervor në Sallsbëri të Anglisë.

Rusia e mohon përfshirjen në këtë sulm që ka ndodhur në mars të këtij viti.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota