E mërkurë, 18 nëntor 2026

Rubrikat

Mbështet Limit.al

Rregullatori i BE-së miraton përdorimin e vaksinës së Pfizer/BioNTech

Agjencia Evropiane e Barnave (EMA) e ka miratuar vaksinën kundër koronavirusit të kompanisë Pfizer-BioNTech.

Agjencia tha se hapi “historik” hap rrugën që vaksinimet të fillojnë përfundimisht brenda disa ditësh në 27 vendet anëtare të BE-së.

“Është një hap i rëndësishëm përpara në luftën kundër kësaj pandemie që po shkakton vuajtje dhe vështirësi”, tha shefi i EMA-s, Emer Cooke në një konferencë për media.

Fillimisht data e shqyrtimit për miratimin e vaksinës ka qenë 29 dhjetori, por Agjencia e zhvendosi vendimarrjen më herët pasi ishte nën presion nga qeveritë e BE-së.

Britania e Madhe, Shtetet e Bashkuara dhe një sërë vendesh tjera tashme e kanë miratuar përdorimin e kësaj vaksine.

Komisionin Evropian pritet që të nënshkruajë zyrtarisht vendimin për përdorimin e saj. Agjencia Evropiane e Barnave do të vendosë edhe për vaksinën e kompanisë Moderna, më 6 janar. Vaksina Pfizer/BioNTech ka dalë të jetë 95 për qind efektive në fazën e fundit të testimit.

Vaksina Moderna, e cila përdor teknologji të ngjashme, është 94 për qind efektive.

Të dyja vaksinat duhet të jepen në dy doza, me një diferencë kohore prej tri javësh.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota