E mërkurë, 18 nëntor 2026

Rubrikat

Mbështet Limit.al

Raporti vjetor mbi situatën ekonomike dhe perspektivat: Europa Juglindore me zhvillim të mirë ekonomik

Ekonomia botërore pritet të rritet me rreth 3 përqind këtë vit. OKB thekson se vitin e ardhshëm zhvillimi ekonomik do të jetë afërisht si këtë vit.

New York Fahne UNO Skulptur Symbolbild (picture alliance / dpa)

Rritja ekonomike në SHBA parashikohet të jetë 2,5 përqind, kurse në Bashkimin Europian 2 përqind, kryesuar nga Polonia me 5 përqind. Në Gjermani rritja ekonomike pritet të jetë 1,8 përqind, njëjtë dhe në Francë. Në Kinë rritja ekonomike pritet të jetë 6,3 përqind, kurse në Brazil dhe Rusi pritet rritje e moderuar ekonomike.

Këto të dhëna u bënë të ditura ditën e hënë (21.01) nga departamenti i çështjeve ekonomike dhe sociale, i cili publikoi raportin vjetor mbi situatën ekonomike dhe perspektivat. Grindjet për çështjet tregtare, ndryshimet e klimës dhe egoizmi në zgjidhjen e problemeve globale janë duke rrezikuar perspektivën e zhvillimit ekonomik, thonë ekspertët financiarë të OKB.

Elliot Harris, kryeekonomisti i OKB, thotë se tensionet për çështjet tregtare “janë duke ndikuar tashmë në tregtinë globale dhe tregun e punës”. Po ashtu rritja e borxheve publike në shumë vende e bën të vështirë sigurimin e shërbimeve bazë. Prandaj forcimi i bashkëpunimit ekonomik është bazë për zhvillimin e qëndrueshëm, thuhet në raport.

UN Pressekonferenz zur Weltwirtschaftslage 2019 | Elliot Harris (UN Photo/Mark Garten)

EJL me rritje të mirë ekonomike

Në rajone si në Europën Juglindore, rritja ekonomike më 2018 ka qenë më e shpejtë dhe prodhimi i përgjithshëm bruto pritet më 2019 dhe 2020 të rritet 3,7 përqind, thotë raporti i OKB për ekonominë, që u bë publik në të njëjtën ditë që në Davos filloi forumi ekonomik botëror.

Serbia, ekonomia më e madhe e rajonit ka përfituar nga rritja e investimeve dhe prodhimet e larta në bujqësi dhe ndërtim, kurse Shqipëria ka patur zhvillim “solid” të ekonomisë, por përparimet afatgjata rrezikojnë të mbeten të ulta, nëse nuk përmirësohet infrastruktura industriale dhe varësia nga financimet e huaja. Rritja ekonomike në Maqedoni filloi të dalë nga niveli zero që ishte vitin e fundit. Një valë e madhe investimesh i dha hov rritjes ekonomike në Mal të Zi, por përfundimi i disa projekteve të infrastrukturës do të përmirësonte perspektivën e zhvillimit, thuhet në raportin e OKB.

Tregu i punës dhe inflacioni në EJL

Tregu i punës në rajon u përmirësua më 2018, me nivel papunësie që ra pak në Shqipëri, ndërsa mbeti në nivel të lartë në Bosnjë-Hercegovinë dhe Maqedoni duke penguar perspektivën e zhvillimit dhe dëmtuar kualitetin e punës. Inflacioni është rritur disi, i nxitur nga kërkesa e lartë në treg dhe çmimet e larta të energjisë dhe ushqimit. Rritja e çmimeve ka mbetur e ulët dhe inflacioni është poshtë kufizimeve të vendosura nga bankat qendrore. Mes vendeve të rajonit, Shqipëria dhe Serbia kanë politikë fleksibël monetare. Niveli i përgjithshëm bruto që pritet të rritet 3,7 përqind këtë vit dhe vitin e ardhshëm, bazohet kryesisht tek investimet dhe eksporti.

Migracioni i lartë mbetet sfidë politike sidomos për Serbinë. Rajoni është duke tërhequr investimet e huaja në sektorët e shërbimit financiar, telekomunikacionit, tregtisë me pakicë dhe pasuritë e patundshme.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota