E mërkurë, 18 nëntor 2026

Rubrikat

Mbështet Limit.al

Raporti: Rusia përhap dezinformim përmes mediave sociale

Një raport i Departamentit amerikan të Shtetit thotë se Rusia po përdor taktika që shfrytëzojnë platforma dhe kanale të ndryshme komunikimi për të krijuar dhe përhapur dezinformacione.

Qendra e Departamentit të Shtetit për Angazhimin Global, në një raport të publikuar të mërkurën analizonte skemat e Kremlinit për të përhapur dezinformim përmes komunikimeve qeveritare, një rrjeti mesazhesh globale të financuara nga shteti dhe kultivimit të burimeve të tërthorta, duke përdorur median sociale dhe internetin si armë. Raporti megjithatë nuk përmend drejtpërdrejt çështjen e ndërhyrjes ruse në zgjedhjet amerikane.

Përfaqësuesja e kësaj qendre, Lea Gabrielle, tha në një komunikim me gazetarët se “edhe Pekini ka përvetësuar disa elementë të taktikave të Moskës, duke mbështetur faqe interneti që përhapin teori konspirative, dezinformim dhe propagandë për të minuar normat dhe institucionet demokratike.” Ajo tha se rreziku që paraqet dezinformimi nga ana e Kinës dhe e Rusisë janë realë dhe të rrezikshëm.

Raporti publikohet ndërkohë që SHBA kanë ofruar deri në 10 milion dollarë shpërblim për informacione që çojnë në identifikimin dhe lokalizimin e çdo personi që punon me një qeveri të huaj për të ndërhyrë në zgjedhjet amerikane.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota