E mërkurë, 18 nëntor 2026

Rubrikat

Mbështet Limit.al

Raporti i OKB: Një fëmijë migrant vdes çdo ditë në botë

Një fëmijë migrant ka vdekur gati çdo ditë gjatë katër vjetëve të fundit, në përpjekje për të gjetur siguri, thuhet në një raport të Kombeve të Bashkuara, të publikuar të premten.

Organizata Ndërkombëtare për Migrim tha se së paku 32,000 migrantë në gjithë botën, përfshirë 1,600 fëmijë, kanë vdekur gjatë udhëtimeve të rrezikshme, në kërkim të kushteve më të mira për jetesë, qysh në vitin 2014.

“Fëmijët po vdesin në të gjitha rajonet e botës. Fëmijët nuk janë në dijeni se çfarë po ndodh dhe ata përballen me rreziqe të tmerrshme”, tha Frank Laczko, udhëheqës i qendrës së analizës së të dhënave, pranë Organizatës Ndërkombëtare për Migrim.

Raporti vjen në kohën kur fotografia e një burri me vajzën e tij të vogël, që janë mbytur derisa kanë bërë përpjekje për të hyrë në Shtetet e Bashkuara, ka shkaktuar zemërim global.

Oscar Alberto Martinez dhe vajza e tij
Oscar Alberto Martinez dhe vajza e tij

Sipas Agjencisë për Fëmijë të Kombeve të Bashkuara (UNHCR), pamja tronditëse e Oscar Alberto Martinezit, 25 vjeç, dhe e vajzës së tij 24-muajshe, Angie Valeria, ka hedhur dritë mbi gjendjen e 70 milionë njerëzve të zhvendosur me forcë.

Martinez dhe vajza e tij kanë udhëtuar nga El Salvadori për në Meksikë dhe janë mbytur duke kaluar lumin Rio Grande, në përpjekje për të hyrë dhe për të kërkuar azil në SHBA.

UNHCR-ja e ka krahasuar fotografinë e tyre me portretin e fëmijës sirian, Alan Kurdi, trupi i të cilit është gjetur në një plazh të Mesdheut, më 2015.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota