E mërkurë, 18 nëntor 2026

Rubrikat

Mbështet Limit.al

Qeveria e Libanit miraton pakon me reforma ekonomike pas protestave masive

Qeveria e Libanit ka miratuar një pako me reforma ekonomike me qëllim të ndaljes së protestave më të mëdha ndër vite.

Kryeministri i Libanit, Saad Hariri e ka bërë këtë njoftim në një konferencë për media më 21 tetor, teksa qindra mijëra njerëz kanë protestuar për të pestën ditë me radhë në rrugë.

“Këto vendime nuk janë të menduara si tregti. Ato nuk kërkojnë që ju të ndalni shprehjen e zemërimit. Ai vendim ju takon juve”, u ka thënë Hariri protestuesve.

Ai po ashtu ka mbështetur thirrjet e marshuesve për zgjedhje të parakohshme.

Protestuesit në Bejrut dhe qytete tjera janë nxitur pas propozimeve për taksa të reja, duke përfshirë edhe ato për shërbimet e mesazheve në internet.

Protestuesit akuzojnë klasën politike të këtij shteti për udhëheqësi të dobët, që ka ndikuar në rritje të korrupsionit dhe shpenzime të fondeve publike.

Hariri ka thënë se pagat e anëtarëve të parlamentit dhe zyrtarëve tjerë të lartë do të përgjysmohen në kuadër të reformave ekonomike.

Kabineti po ashtu ka miratuar shuarjen e disa institucioneve, duke përfshirë atë të minsitrisë së Informacionit, si dhe ka ndarë miliona dollarë për familjet e varfra.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota