E mërkurë, 18 nëntor 2026

Rubrikat

Mbështet Limit.al

Putin: Ideja e ndërhyrjes ruse, “qesharake”

Intervista e zotit Putin me kanalin Fox News, u transmetua në mbrëmje, pasi udhëheqësi rus u takua me Presidentin Trump në samitin e shumëpritur në Helsinki.

Presidenti rus Vladimir Putin mohoi të ketë të dhëna kompromentuese për Presidentin amerikan Donald Trump, si dhe e quajti “tërësisht qesharake” idenë se Rusia ndërhyri në zgjedhjet presidenciale amerikane të vitit 2016.

Intervista e zotit Putin me kanalin Fox News, u transmetua në mbrëmje, pasi udhëheqësi rus u takua me Presidentin Trump në samitin e shumëpritur në Helsinki.

“Ne nuk disponojmë ndonjë gjë, ndërsa mund të ketë çfarëdolloj gjërash. Nuk dua ta ofendoj Presidentin Trump, pasi mund të duket e pasjellshme kjo që po them. Por, përpara se të njoftonte se do të kandidonte për president, ai nuk përbënte fare interes për ne”, deklaroi zoti Putin.

Zoti Putin gjithashtu refuzoi të diskutojë me gazetarin Chris Wallace, për akuzat e ngritura ndaj 12 shtetasve rusë nga prokurori i posaçëm Robert Mueller.

Ndërsa për sa i përket samitit, zoti Putin e përkufizoi si “fillimin e rrugës” së tërheqjes nga përpjekjet e dështuara të Perëndimit në të kaluarën, për të izoluar Rusinë.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota