E mërkurë, 18 nëntor 2026

Rubrikat

Mbështet Limit.al

Protestuesit në Hong Kong bëjnë thirrje për autonomi

Autoritetet në Hong Kong kanë ndaluar dhe kanë kontrolluar protestuesit që u mblodhën në marshin e së shtunës duke bërë thirrje urgjente për autonomi në qytetin që u çlirua nga kolonia britanike më 1997.

Një turmë me rreth 3 mijë persona me maska të zeza, të cilët mbanin në duar flamuj britanikë dhe të kolonisë, vërshuan rrugët e qytetit të Hong Kongut. Aktivistja pro-demokracisë Joshua Wong, ka bërë thirrje që 100,000 persona të marrin pjesë në javën e 22-të të protestave.

Protestuesit për pesë muaj me radhë kanë protestuar, duke shprehur pakënaqësi për sistemin politik dhe ligjor të Hong Kongut.

Aktivistët kishin goditur forcat policore me bombola gazi, si dhe kishin dëmtuar ndërtesat qeveritare dhe shumë biznese.

Disa herë protestat janë përfshirë nga dhuna, të cilat kanë nisur si shenjë pakënaqësie ndaj një projektligji për ekstradim të të dyshuarve në Kinë.

Projektligji në fjalë është pezulluar, mirëpo kërkesat e protestuesve ndërkohë janë zgjeruar, duke bërë thirrje për zgjedhje të drejtëpërdrejta dhe llogaridhënie më të madhe nga policia.

Kina ka mohuar akuzat se ka kufizuar të drejtat e këtij territori nga viti 1997 dhe ka fajësuar kombet e huaja, sikurse Shtetet e Bashkuara dhe Britaninë për nxitje të pakënaqësive.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota