E mërkurë, 18 nëntor 2026

Rubrikat

Mbështet Limit.al

Protesta e opozitës në mediat e huaja

Tiranë, 26 maj 2018 – Mediat e huaja i kanë bërë jehonë protestës së opozitës për largimin e kryeministrit Edi Rama dhe ministrit të brendshëm Fatmir Xhafaj. Associated Press, Washington Post e ABC News mes të tjerash, kanë pasqyruar zhvillimet kryesore të tubimit, hedhjen e sendeve të forta në drejtim të godinave qeveritare, përplasjen e dhunshme mes protestuesve e policisë, si dhe plagosjen e kryeredaktorit të Rilindjes Demokratike Bledi Kasmi.

Protesta anti-qeveri e opozitës është pasqyruar edhe në mediat e huaja. Prestigjioze si Associated Press, Washington Post, ABC News raportuan se mijëra mbështetës të opozitës ju bashkuan protestës për të kërkuar dorëheqjen e kryeministrit Edi Rama, të cilin e akuzojnë për lidhje me krimin e organizuar.

Të udhëhequr nga kreu i Partisë Demokratike Lulzim Basha, protestuesit marshuan përgjatë Bulevardit Dëshmorët e Kombit në Tiranë, me thirrjen “Rama ik”. Mediat gjithashtu raportuan se demonstruesit, të cilët mbanin flamuj të Shqipërisë e Bashkimit Europian, goditën me sende të forta godinën e kryeministrisë dhe ministrinë e brendshme.

Ndërkombëtarët pasqyruan gjithashtu edhe përpjekjen e protestuesve për të thyer kordonin e policisë, ndërsa nuk mbeti jashtë vëmendjes edhe plagosja nga përplasja me policinë e kryeredaktorit të Rilindjes Demokratike Bledi Kasmi.

Shkrimi i prestigjiozeve vijon me falenderimin e kryeministrit Rama në Facebook, për demokratët të cilët nuk mbështesin qeverinë e që sërish nuk pranuan të ishin pjesë e kësaj proteste.

Në mbyllje të raportimeve, mediat e huaja bëjnë një kronologji të ngjarjeve që çuan në këtë tubim të opozitës, duke përmendur akuzat e demokratëve për ministrin e brendshëm Fatmir Xhafaj dhe mbështetjen e aktiviteteve të vëllait të tij lidhur me drogën. Më parë këtë muaj, Agron Xhafaj u vetëdorëzua tek autoritetet italiane për të kryer një dënim të dhënë në vitin 2002. Ministri Xhafaj mohon pretendimet, ndërsa ka premtuar dorëheqjen nëse vërtetohet e kundërta.

Shkrimet përmbyllen me perspektivën e nisjes së negociatave të Shqipërisë me Bashkimin Europian muajin e ardhshëm.

/Ora News.tv/

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota