E mërkurë, 18 nëntor 2026

Rubrikat

Mbështet Limit.al

Propozohet që çereku i buxhetit të BE-së të shpenzohet për ndryshimet klimatike

Tetë vende evropiane bënë thirrje për një strategji ambicioze për trajtimin e ndryshimeve klimatike, duke kërkuar shpenzimin e çerekut të buxhetit të Bashkimit Evropian për luftimin e tyre.

Deklarata e përbashkët thotë se BE-ja duhet të ndalojë plotësisht emetimin e gazrave serrë deri më 2050 “më së voni”.

Ajo u nënshkrua nga Franca, Belgjika, Danimarka, Luksemburgu, Holanda, Portugalia, Spanja dhe Suedia.

Grupi tha se plani i tij “duhet të jetë një shembull për vendet e tjera që duhet ta ndjekin”.

Pozicioni i tetë vendeve është se ndryshimet klimatike kanë “implikime të thella për të ardhmen e njerëzimit” dhe se ndikimet e tyre janë tashmë të dukshme”.

Plani vjen në prag të një samiti të madh të udhëheqësve evropianë, që do të nisë të enjten në Rumani dhe do të ketë në agjendë diskutimet për të ardhmen e Evropës dhe strategjinë e BE-së për pesë vjetët e ardhshëm.

Për momentin, vendet e BE-së duhet të ulin emetimet e gazrave serrë për 20% deri në vitin 2020 dhe 40% deri në vitin 2030.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota