E mërkurë, 18 nëntor 2026

Rubrikat

Mbështet Limit.al

Presidenti Trump pret kryeministrin italian Conte në Shtëpinë e Bardhë

Presidenti i SHBA Donald Trump po takohet në Shtëpinë e Bardhë me Kryeministrin e ri italian Giuseppe Conte.

Dy udhëheqësit do të zhvillojnë një bisedë private në Zyrën Ovale, pasuar nga një takim i zgjeruar dypalësh. Shtëpia e Bardhë tha se bisedimet kanë për qëllim thellimin e “bashkëpunimit në trajtimin e konflikteve globale dhe nxitjen e begatisë ekonomike në të dy anët e Atlantikut”.

Giuseppe Conte u bë kryeministër i Italisë pas një marrëveshjeje koalicioni të arritur nga dy parti politike populiste, Lega dhe Lëvizja Pesë Yjet pas zgjedhjeve të 4 marsit.

Zoti Conte ka dalë si mbështetësi më i fortë i Presidentit Trump në Evropën Perëndimore.

Zoti Trump e ka takuar Kryeministrin italian dy herë, në takimet e fundit të G-7 dhe të NATO-s, duke e quajtur atë “një njeri vërtet i shkëlqyer”. Të dy kanë të paktën një gjë të përbashkët – qeveri populiste.

Takimi vjen në një kohë tensionesh midis Shteteve të Bashkuara dhe Evropës.

Zoti Conte mbështeti thirrjen e Presidentit Trump në muajin qershor që Moska të hyjë përsëri në Grupin e Shtatëshes, propozim i refuzuar me vendosmëri në samit nga të gjithë anëtarët e tjerë të grupit të fuqive perëndimore të industrializuara.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota