E mërkurë, 18 nëntor 2026

Rubrikat

Mbështet Limit.al

Presidenti Trump: Gjenerali iranian u vra për të ndalur luftën

Presidenti i Shteteve të Bashkuara Donald Trump tha sot se gjenerali iranian u vra për të ndalur luftën dhe se Shtetet e Bashkuara janë të gatshme dhe të përgatitura për çdo reagim të mundshëm.

Presidenti amerikan bëri sot një deklaratë për mediat nga Mar-a-Lago, Florida, ku konfirmoi se ai udhëzoi ushtrinë e Shteteve të Bashkuara për të kryer goditjen ajrore që vrau “terroristin numër një në botë”, Qassem Soleimani. Presidenti Trump informoi se Soleimani po përgatiste sulme ndaj diplomatëve amerikanë dhe personelit ushtarak.

Pasi bëri një përmbledhje të aktivitetit terrorist të Qassem Soleimanit, Presidenti Trump shtoi se: “ajo çfarë Shtetet e Bashkuara bënë dje, duhej të ishte bërë prej shumë kohësh. Shumë jetë mund të ishin shpëtuar… protestuesit që u shtypën brutalisht në Iran, ku mbi një mijë civilë të pafajshëm u torturuan dhe u vranë nga vetë qeveria e tyre. Ne vepruam për të ndalur një luftë. Nuk vepruam që të fillojmë luftën”.

Megjithatë, Presidenti Trump nënvizoi se Shtetet e Bashkuara janë të përgatitura për çdo skenar të mundshëm. “Nëse do të kërcënohen amerikanët, kudo që të ndodhen, ne i kemi të identifikuara objektivat dhe unë jam gati dhe i përgatitur për të ndërmarrë çdo veprim të mundshëm”, tha Presidenti Trump.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota