E mërkurë, 18 nëntor 2026

Rubrikat

Mbështet Limit.al

Presidenti i Rumanisë, Klaus Iohannis: Rumania nuk është e gatshme të marrë presidencën e BE-së

Presidenti i Rumanisë, Klaus Iohannis, tha se vendi i tij nuk është i gatshëm të marrë presidencën e radhës të Bashkimit Evropian në muajin janar dhe i bëri thirrje kryeministres të japë dorëheqje.

“Sipas mendimit tim, ne nuk jemi të përgatitur për këtë”, tha Iohannis të hënën në Bukuresht.

Viorica Dancila, politikane nga Partia Social-Demokrate që ka pushtetin në Rumani, është emëruar kryeministre në janar dhe që atëherë është kritikuar si figurë në një qeveri që në fakt drejtohet nga shefi i Social-Demokratëve, Liviu Dragnea, i cili nuk ka mundur të bëhet kryeministër, për shkak të një dënimi për manipulim me vota.

“Tani duhet të zëvendësohet ky aksident – qeveria Dragnea-Dancila”, tha Iohannis.

“Nuk ka asnjë shans për një qeveri të mirë … apo përfshirje të duhur në çështjet evropiane”, shtoi ai.

Iohannis i bëri komentet pasi ministri për Çështje Evropiane i Rumanisë, Viktor Negresku, dha dorëheqje javën e kaluar, pas trazirave në qeveri lidhur me përgatitjet për presidencën gjashtëmujore të BE-së.

Muajin e kaluar, komisionarja për drejtësi e BE-së, Vera Jourova, shprehu shqetësim për kapacitetet e Rumanisë për të menaxhuar me presidencën.

BE-ja, më 13 nëntor, do të lëshojë raportin e saj të fundit mbi sistemet gjyqësore të Rumanisë dhe Bullgarisë.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota