E mërkurë, 18 nëntor 2026

Rubrikat

Mbështet Limit.al

Presidenti francez Emmanuel Macron takim me UNESCO-n për Notre Dame

Presidenti francez Emmanuel Macron takohet të premten me një delegacion të agjencisë kulturore të Kombeve të Bashkuara pas zjarrit të fuqishëm që përfshiu katedralen e Notre Dame-it. Zoti Macron do ta presë delegacionin e UNESCO-s në pallatin Elysee. Katedralja e famshme u bë pjesë e trashëgimisë që mbrohet nga UNESCO në vitin 1991.

Pasi vizitoi vendngjarjen me herët gjatë kësaj javë drejtori i Qendrës së Trashëgimisë Botërore Mechtild Rossler tha se dy të tretat e kupolës mesjetare të Notre Dame-it janë shkatërruar.

Zoti Macron thotë se dëshiron që deri në vitin 2024 të ketë përfunduar restaurimi i strukturës ikonë, një afakt kohor që do të bëjë të mundur që katedralja të hapet gjatë lojrave olimpike verore që mbahen në Francë. Por disa ekspertë mendojnë se afati është jo jorealist.

Restaurimi do të duhet të marrë në konsideratë trashëgiminë artistike e kishtare të Notre Dame-it. Nora Heimann, profesoreshë e Universitetit Katolik dhe drejtuese e Departamentit të Artit, thotë se Notre Dame është simbol i shpresës po aq sa edhe simbol i Francës dhe i besimit katolik.

“Ne e shohim atë si një simbol të guximit, të ripërtëritjes njerëzore e inovacionit. Për ata në mesin e bashkësisë së besimtarëve katolikë, ajo është simbol i qëndresës së besimit ndaj të gjitha pengesave”, tha ajo.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota