E mërkurë, 18 nëntor 2026

Rubrikat

Mbështet Limit.al

Pompeo: Partia Komuniste e Kinës, kërcënimi më i madh i kësaj epoke

Sekretari amerikan i Shtetit, Mike Pompeo, e përshkroi Partinë Komuniste të Kinës, si kërcënimin më të madh të kësaj epoke.

Pompeo po qëndron në Britani të Madhe për të diskutuar vendimin e Londrës, që kompania kineze Huawei, të ketë rol të kufizuar në rrjetin 5G.

Shtetet e Bashkuara, përfshirë Pompeon dhe presidentin amerikan, Donald Trump, kishin lobuar që Londra ta përjashtojë Huawein nga planet e rrjetit 5G, për arsye sigurie.

Megjithatë, zyrtarët britanikë nuk morën parasysh vërejtjet e Uashingtonit.

“Kur ju lejoni që informacioni i qytetarëve tuaj, ose informacionin i sigurisë kombëtare të kalojë në rrjetin, në të cilin Partia Komuniste e Kinës ka një mandat ligjor që ta marrë atë, atëherë kjo krijon rrezik”, u tha Pompeo gazetarëve.

“Jam shumë i sigurt se dy kombet tona, do të gjejnë një mënyrë, për të punuar së bashku në zgjidhjen e dallimeve”, tha Pompeo.

Uashingtoni dyshon se Huawei bashkëpunon me qeverinë kineze, dhe se të dhënat e përdoruesve të saj nuk janë të sigurta.

Rrjeti 5G paraqet gjeneratën e fundit të lidhjes së telefonave të mençur me internet, dhe ofron shpejtësi të shkarkimin shumëfish më të shpejt sesa ekziston aktualisht.

Huawei me qendër në Kinë, i ka mohuar vazhdimisht akuzat e Uashingtonit.

Duke folur së bashku me ministrin e Jashtëm britanik Dominic Raab, Pompeo tha se ai e konsideronte Partinë Komuniste kineze si “kërcënimin kryesor të kësaj epoke” si dhe u bëri thirrje Shteteve të Bashkuara dhe aleatëve të saj, që të sigurohen se posedojnë fuqinë ushtarake dhe teknologjike, për tu siguruar se ky shekull qeveriset nga parimet perëndimore.

Vendimi i Britanisë së Madhe për Huawei-n vjen në një kohë kritike, derisa vendi përgatitet të largohet nga Bashkimi Evropian më 31 janar, dhe të fillojë negociatat për një marrëveshje tregtare me Shtetet e Bashkuara

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota