E mërkurë, 18 nëntor 2026

Rubrikat

Mbështet Limit.al

Piraterohen të dhënat e politikanëve gjermanë

Të dhënat personale të qindra politikanëve gjermanë, përfshirë kancelaren Angela Merkel, u pirateruan dhe u publikuan online.

Kontakte, biseda private dhe detaje financiare të politikanëve të çdo partie politike, pos asaj të ekstremit të djathtë “Alternativa për Gjermaninë”, janë postuar në Twitter.

Të dhëna të gazetarëve duket se kanë rrjedhur po ashtu.

Shkalla reale e dëmit të shkaktuar nga rrjedhja e informacioneve nuk dihet ende, por bëhet fjalë për një “sulm serioz”, tha ministrja gjermane e Drejtësisë, Katarina Elb.

“Njerëzit prapa kësaj duan të dëmtojnë besimin në demokracinë dhe institucionet tona”, shtoi ajo.

Zyra federale gjermane për sigurinë e informacionit tha se po heton sulmin, ndërsa bëri të ditur se rrjetet qeveritare nuk janë prekur.

Qendra kombëtare e mbrojtjes kibernetike thirri një takim të premten në mëngjes.

Një zëdhënëse e Qeverisë gjermane tha se nuk janë publikuar të dhëna të ndjeshme nga zyra e kancelares.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota