E mërkurë, 18 nëntor 2026

Rubrikat

Mbështet Limit.al

Përmirësime në transportin publik të Francës, vazhdojnë protestat

Në Francë, fillimi i javës së katërt të grevave në transportin publik erdhi me disa përmirësime modeste të hënën në Paris, ku pati më pak linja të mbyllura të metrosë.

Grevat kundër planeve të qeverisë për të reformuar sistemin e pensioneve vazhdojnë të shkaktojnë çrregullime serioze për përdoruesit e rrjetit hekurudhor me shpejtësi të lartë, ku rreth gjysma e trenave janë vënë jashtë shërbimit.

Por për udhëtarët e rajonit të Parisit, të cilët janë goditur rëndë nga grevat që nga 5 dhjetori, periudha pas pushimeve të Krishtëlindjes ka sjellë një rreze shprese.

Të hënën, vetëm dy linja metroje mbetën plotësisht të mbyllura, krahasuar me pesë që u mbyllën të premten.

Çrregullimet e transportit publik janë më të mëdha se ato të vitit 1995, duke vënë në provë planet e Presidentit Emmanuel Macron për të rritur moshën e pensionit të plotë nga 62 në 64 vjeç. Zoti Macron argumenton se reforma do ta bënte sistemin e pensioneve më të drejtë dhe do ta lehtësonte nga borxhet.

Ministri i brendshëm Christophe Castaner këmbënguli të hënën se publiku francez dëshiron që qeveria të mos heqë dorë nga reforma e pensioneve. Vetë zoti Macron pritet ta trajtojë çështjen të martën në një fjalim televiziv me rastin e mbylljes së vitit.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota