Ka përfunduar samiti i G20 që zhvilloi punimet në Osaka të Japonisë. Nikoqiri i këtij samiti, kryeministri japonez, Shinzo Abe, deklaroi se liderët duhet të “gjejnë, jo dallimet, por gjuhën e përbashkët mes nesh”.
“Liderët e G20 u pajtuan për nevojën që vendet anëtare të kryesojnë në rritjen ekonomike botërore”, tha Abe në një konferencë për media.
Ai lavdëroi presidentin amerikan, Donald Trump dhe atë kinez, Xi Jinping, për arritjen e pajtimit që të kthehen në tavolinën e bisedimeve, me qëllim që të tejkalojnë mosmarrëveshjet tregtare.



