E mërkurë, 18 nëntor 2026

Rubrikat

Mbështet Limit.al

Përfitimet e papunësisë për shkak të Covid; Amerikanët kanë shpenzuar më shumë sesa kur punonin

Amerikanët që kanë përfituar pagesën e papunësisë për shkak të pandemisë së koronavirusit kanë shpenzuar më shumë sesa kur ishin duke punuar, sipas një studimi, duke shtuar shqetësimet në lidhje me një rënie të madhe të shpenzimeve kur të skadojë paketa e urgjencës.

Shtesa javore prej 600 dollarësh, pjesë e paketës së papunësisë ndihmoi familjet e papuna të shpenzonin 10 për qind më shumë se sa para pandemisë, sipas hulumtimit nga Instituti JPMorgan Chase.

Studiuesit analizuan transaksionet për 61 mijë familje që morën përfitime të papunësisë në periudhën mes muajit mars dhe maj.

Shpenzimet ranë për të gjitha familjet pasi virusi u përhap dhe çoi në mbyllje të bizneseve, por më pas u rrit kur familjet filluan të marrin përfitime të papunësisë, zbuloi studimi.

Kjo bie ndesh me një recesion tipik, kur familjet që marrin përfitime të papunësisë zakonisht shkurtojnë shpenzimet me 7 për qind sepse përfitimet e rregullta të papunësisë mbulojnë vetëm një pjesë të të ardhurave paraprake të një personi, zbuloi hulumtimi.

Më shumë se 30 milionë amerikanë vlerësohet të marrin pagesën e papunësisë për shkak të pandemisë, dhe ata mund të nxisin një hendek të shpenzimeve kur përfitimet shtesë të skadojnë në korrik.

“Vlerësimet tona sugjerojnë që skadimi do të rezultojë në ulje të mëdha të shpenzimeve, me efekte potencialisht negative si për ekonomitë familjare ashtu edhe në aktivitetin makroekonomik,” shkruajnë studiuesit./Reuters

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota