E mërkurë, 18 nëntor 2026

Rubrikat

Mbështet Limit.al

Pentagoni shkarkon Sekretarin e Marinës

Sekretari amerikan i Mbrojtjes, Mark Esper, ka shkarkuar drejtuesin e marinës ushtarake, duke i dhënë kështu fund një përplasjeje shokuese mes Presidentit Donald Trump dhe udhëheqjes së lartë ushtarake për fatin e një pjesëtari të forcave speciale të marinës (SEAL), i cili akuzohet për krime lufte në Irak.

Zëdhënësi i Pentagonit, Jonathan Hoffman, saktësoi se Sekretarit të Marinës iu kërkua paraprakisht dorëheqja nga Sekretari i Mbrojtjes dhe se më vonë ai e paraqiti atë.

Sekretari i Mbrojtjes Mark Esper

Sekretari i Mbrojtjes Mark Esper

Sekretari i Mbrojtjes Esper u shpreh se pati humbur besimin tek Sekretari i Marinës Richard Spencer dhe e akuzoi atë se, pa e vënë në dijeni, pati propozuar një marrëveshje me Shtëpinë e Bardhë për rastin e ushtarakut në fjalë.

Presidenti Trump pati dalë në mbrojtje të rastit të oficerit të marinës Edward Gallagher, i cili fitoi pafajësinë për akuzën se pati vrarë me thikë një të burgosur militant të Shtetit Islamik, por u gjet fajtor se pati pozuar me trupin e tij në Irak, në vitin 2017.

Oficeri i marinës Edward Gallagher

Oficeri i marinës Edward Gallagher

Shkarkimi i Sekretarit të Marinës është një kthesë dramatike në debatin e shpejtë dhe të ngarkuar politikisht, që ekspozoi një krisje në marrëdhëniet e Presidentit Trump me zyrtarët më të lartë të forcave të armatosura amerikane dhe ngriti pikëpyetje rreth rolit që duhet të luajë komandanti i përgjithshëm i forcave të armatosura në çështjet e sistemit të drejtësisë ushtarake./ Associated Press

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota