E mërkurë, 18 nëntor 2026

Rubrikat

Mbështet Limit.al

“Pasoja serioze për Evropën” nëse SHBA tërhiqet nga traktati bërthamor

Ministri i Mbrojtjes i Rusisë, Sergei Shoigu, tha se planet e Uashingtonit për t’u tërhequr nga një marrëveshje për armët bërthamore do të kenë “pasoja serioze” për Evropën.

Shoigu tha se Bashkimi Evropian dhe NATO duhet t’i peshojnë pasojat e largimit të SHBA-së nga Traktati për Forca Bërthamore me Rreze të Mesme.

Ky traktat është nënshkruar në vitin 1987 nga presidenti i atëhershëm amerikan, Ronald Reagan, dhe atëbotë lideri i Bashkimit Sovjetik, Mikhail Gorbachev.

“Ne kemi përshtypjen se jo secili në Evropë e kupton se ky vendim do të ketë pasoja serioze për Evropën”, tha Shoigu.

Deklaratat e tij vijnë pas paralajmërimeve të presidentit rus, Vladimir Putin, javën e kaluar, se Rusia do të shënjestrojë secilin vend të NATO-s, nëse SHBA tërhiqet nga traktati dhe vendos raketa aktualisht të ndaluara në ato vende.

Presidenti i Shtetetve të Bashkuara, Donald Trump, duke shpallur planet e tij për t’u tërhequr nga pakti, ka përmendur shkeljet e supozuara ruse që nga viti 2014.

Rusia mohon se shkel marrëveshjen.

Kjo marrëveshje, e cila e eliminoi një klasë të tërë të raketave nga Evropa, konsiderohet kyçe për stabilitetin strategjik mes Uashingtonit dhe Moskës.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota